மாயக்கூட்டம்

காரியம் வேண்டிச் சிரிப்பார்

காரணம் வேண்டி நடிப்பார்

மானிடனாய் பிறந்தவர் யாரும்

முழு மானிடராய் இல்லையடா

நாடி வரும் அன்பினை

நம்பியவரும் இல்லையடா

போலிகளின் உளறல்களில்

போதை கொண்டு உழல்வாரடா

வேதனை வேதனை

என்று நித்தம் சாவாரடா

ஒருமுறை மரணத்தை பலமுறை

காண்பாரடா

தினம் உள்ள வாழ்க்கையை

எண்ணியே பாராரடா!

தோல்வி தோல்வி என்று புலம்பும்

பரதேசி கூட்டமடா - இங்கே

வாழ்க்கை வாழ்க்கை என்று

ஒன்றுமே இல்லையடா

தேடிப்பிடித்து நிதம் பகைமை

காண்பானடா -

உள்ளொன்று வைத்து

புறமொன்று பேசும்

இவன்  கூட்டமடா,

எளிதான அன்பு எட்டிக் காயடா

இவர் சிந்தித்து செய்வது அழிக்கும்

செயல்கள்தானடா...

கருவறையில் உயிர்க் கொன்று

கல்லறையில் சிலை வைப்பானடா

வாழும் போது வராத சிந்தனைகள்

சாகும் போது பொங்குமடா........

வேடிக்கை மாந்தரடா - அடேய்,

இவர் மனம் கொன்று,

ப(பி)ணம் தின்னும் கூட்டமடா!