பிறகு வரும் தருணங்கள்

பசி தீர்ந்த பிறகு
சுவையைப் பற்றியும்
தேவை தீர்ந்த பிறகு
மனிதரைப் பற்றியும்
தேர்தல் முடிந்தபிறகு
வாக்குரிமைப் பற்றியும்
வெட்டிய பிறகு
வலியைப் பற்றியும்
வார்த்தைகளை
கோபத்தில் கொட்டியபிறகு
மௌனத்தில் மீன்பிடிப்பது பற்றியும்
சுடுகாட்டில் எரித்த பிறகு
மறந்துவிட்ட அன்பைப் பற்றியும்
இப்படியே பற்றிப் பற்றி
வாழ வேண்டிய தருணங்களையும்
பற்றாது விட்ட மனிதர்களின் மனங்களையும்
அலட்சியமாய்க் கடந்த வாழ்க்கையில்
பேசிப் பேசி சிலாக்கிறோம்
நாம்
வீணாய்ப் போன
பெரும் மனிதர்கூட்டம்!