Monday 9 February 2015

வேம்பும் நிலமும் வேறு சாதி!



அயர்ந்துக் கிடக்கும்
நிலக்காதலனின் மேல்
விரவிக்கிடக்கிறாள்
வேம்பு மகள்,
கனியாக, பூக்களாக
தன் கரம் நிறைத்த இலைகளாக
அவன் மேனியெங்கும்
நிழல் உடுத்தி!

வேம்பும் நிலமும்
வேறு சாதி என,
நிரவிக்கிடந்தவளை,
குப்பையென
அவசரமாய் ஒதுக்கி
தள்ளி,
அதிக மகசூலெனும்
வம்ச விருத்திக்காக,
இறக்குமதி ரசாயனத்தை
அள்ளித் தெளித்தது,
கண்ணைவிற்று
ஓவியம் வாங்கிய
கலாரசிகனைப்போல,
ஒரு மனிதகுலம்! 

No comments:

Post a Comment

வாழ்தலின் நொடிகள்

  மனிதர்கள் வருகிறார்கள் மறைகிறார்கள் புத்தாண்டும் வருகிறது மறைகிறது வாழ்தலின் நொடிகள் மட்டுமே நம் கைகளில்!