Saturday 1 March 2014

ஆயுதம் தேடு!



தாம் விரும்பும்போதே
காதல் செய்து
மனதை எரிப்பார்

ஏதோ ஒன்றை
முன்னிறுத்தி, குடித்து
தம் குடலை எரிப்பார்

கல்விக் கனவை
சிதைத்து - வறுமை வளர்த்து
குடும்பத்தை எரிப்பார்!

நான் அல்ல,
அம்மாதான் என்று -
இயலாமை சாக்கிட்டு
தட்சணை வழிப்பறியில்
பெண்ணை எரிப்பார்!

மோகத்தகிப்பில்
மலரென்றும் மொட்டேன்றும்
அறியார் - தம் காமம் எரிப்பார்

காரணம் பல காட்டி -
காரிய மோசம் செய்து
காதலையும் எரிப்பார்!

பெண்ணின் உணர்வுகளுக்கு
பல்வேறு விலங்கிட்டு
பெண்மை எரிப்பார்!

தன்னை மட்டுமே காணும் 
தன் உணர்வுகளை
மட்டுமே பேணும்
சுயநலமான பெரும்
ஆண்கள் கூட்டத்திற்கு
எரிப்பதன்றோ வேலை?
இவரை
பழிப்பதும் உமிழ்தலும்
பயன்தரா -
ஆயுதம் தேடு!

1 comment:

வாழ்தலின் நொடிகள்

  மனிதர்கள் வருகிறார்கள் மறைகிறார்கள் புத்தாண்டும் வருகிறது மறைகிறது வாழ்தலின் நொடிகள் மட்டுமே நம் கைகளில்!