நம் கை நம்பிக்கை மட்டும்

பூக்கள் உதிர்கின்றன
வாசம் மட்டும் காற்றில்

மரங்கள் சாய்கின்றன
வேர்கள் மட்டும் மண்ணில்

உறவுகள் பிரிகின்றன

உதிரம் மட்டும் உடம்பில்

மனங்கள் விலகுகின்றன
நினைவுகள் மட்டும் நெஞ்சினில்

தோல்விகள் தொடர்கின்றன
நம்பிக்கை மட்டும் வாழ்க்கையில்

காய்ந்த சருகாக விழுந்தாலும்
மண்ணில் உரமாவோம்
விதையாக விழுந்தாலும்
மரமாக எழுந்து நிற்போம்

கைப்பிடித்து கழுத்தறுக்கும்
மனிதர்களை தவிர்த்து
துன்பத்திற்கும் இன்பம் செய்து
பயண வழி தூரம் - நல்ல
பாதை மாறாமல் நடப்போம்
நம்பிக்கை மட்டுமே மனதில்!