Monday 29 February 2016

எதிரி‬

அந்த சொல்லிற்கு இணையாய்
அதைவிடக் கடுமையாய்
வேறொரு சொல்லை
என்னால் சொல்லிவிட முடியும்
அந்தக் கல்லிற்கு இணையாய்
அதைவிட வலிமையாய்
வேறொருக் கல்லை
என்னால் வீசிவிட முடியும்
அந்த வாளிற்கு இணையாய்
அதைவிடக் கூர்மையாய்
வேறொரு வாளை
என்னால் கூர்த்தீட்டிவிட முடியும்
உன்னால் முடியும் அனைத்தும்
என்னால் முடியுமெனும் பொழுதும்
என்னுள் நிரம்பியிருக்கும்
கருணையையும் காதலையும்
நீயும் கற்றுக் கைக்கொள்ளும்
காலம் வருமென்ற நம்பிக்கையில்
எதிர்விளைவாற்றாதிருக்கிறேன்
அமைதியாக
இந்த அன்புசார் உலகில்!
‪#‎எதிரி‬

No comments:

Post a Comment

வாழ்தலின் நொடிகள்

  மனிதர்கள் வருகிறார்கள் மறைகிறார்கள் புத்தாண்டும் வருகிறது மறைகிறது வாழ்தலின் நொடிகள் மட்டுமே நம் கைகளில்!